Velski landsliðsmaðurinn er dýrasti knattspyrnumaður allra tíma en hann var keyptur til Real Madrid frá Tottenham fyrir 108 milljónir evra á síðasta ári.

Hann hefur nú þegar unnið Meistaradeild Evrópu með liðinu sem og spænska konungsbikarinn.

Hann segir að eini áfangastaðurinn sem hafi komið til greina hafi verið Real Madrid.

;,Það hefði verið mjög erfitt að fara ef Real Madrid hefði ekki boðið í mig. Tími minn hjá Tottenham var frábær og stuðningsmennirnir voru alltaf yndislegir," sagði Bale.

;,Ég held að þeir hafi skilið tækifærið sem ég fékk því að svona tækifæri kemur bara einu sinni á ævinni. Ég væri sennilega enn að spila fyrir Tottenham ef Real Madrid hefði ekki komið til sögunnar. Ég vil enn að Arsenal tapi og Tottenham vinni," sagði hann að lokum.