Man City glutruðu niður tveggja marka forystu gegn Tottenham um helgina þrátt fyrir að hafa verið mun sterkari aðili leiksins.

City, undir stjórn Pep Guardiola, eru í fimmta sæti ensku úrvalsdeildarinnar, 12 stigum á eftir toppliði Chelsea.

„Þetta er ekki góð tilfinning eins og þetta hefur þróast," sagði Claudio Bravo í viðtali við heimasíðu félagsins.

„Við gerðum allt til að vinna leikinn en svo varð þetta sama gamla sagan. Gátum ekki klárað færin okkar. Við verðum að sýna andlegan styrk okkar og halda áfram að hafa trú á verkefninu."