Dómgæslan í leikjum Íslands á Evrópumótinu hefur verið mikið til umræðu.
Eftir rúmlega fimm mínútna leik í tapinu gegn Sviss í gær fékk Lara Dickenmann fyrirliði Sviss að líta gula spjaldið eftir harkalega tæklingu á Dagnýju Brynjarsdóttur. Dagný fékk karate-spark frá Dickenmann í mjöðmina.
Dagný sýndi fréttamönnum afleiðingarnar á æfingu Íslands í morgun eins og sjá má á meðfylgjandi mynd.
„Ef ég hefði verið dómari, þá hefði ég gefið henni rautt," sagði Dagný eftir leikinn í gær og er hún sár og bólgin í dag.
Dagný ræddi við Arnar Daða Arnarsson á æfingu í morgun og má sjá viðtalið í heild sinni í sjónvarpinu hér að ofan. Þar ræðir hún meðal annars um þá stöðu sem hún hefur verið að spila á Evrópumótinu sem fölsk nía og um leikkerfi landsliðsins.
Ísland á eftir að mæta Austurríki á miðvikudag en ljóst er fyrir leikinn að liðið endar í neðsta sæti riðilsins og kemst ekki í 8-liða úrslitin.
Sjá einnig:
Freysi um rússneska dómarann: Hvernig er hægt að bjóða upp á svona?
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir