Bandaríska landsliðskonan Megan Rapinoe segir að FIFA gefi í skyn að kvennafótbolti skipti engu máli miðað við tilnefningar á besta leikmanni í heimi.

FIFA mun verðlauna besta leikmann heims í kvöld en tilnefndar eru Carli Lloyd frá Bandaríkjunum, Lieke Martens frá Hollandi og Deyna Castellanos frá Venesúela.

Deyna er einungis 18 ára gömul en hún er ekki atvinnumaður í fótbolta. Deyna spilar í háskólaboltanum í Bandaríkjunum og það hefur vakið mikla athygli að hún sé tilnefnd til verðlauna.