Liverpool er tilbúið að láta Philippe Coutinho fara í janúar samkvæmt fréttum frá Spáni. Barcelona lagði mikið í að reyna að fá Brasilíumanninn í sumar en Liverpool hafnaði öllum tilboðum.
Mundo Deportivo segir að njósnarar Barcelona hafi verið á Wembley í gær þegar Coutinho og félagar töpuðu illa 4-1 gegn Tottenham.
Þá segir blaðið að Jurgen Klopp vilji ekki útiloka það að Coutinho verði seldur.
Coutinho var nálægt því að yfirgefa Liverpool fyrir Barcelona eftir að hann fór fram á sölu í sumar.
Þessi 25 ára leikmaður hefur verið einn ljósasti punkturinn í liði Liverpool á þessu tímabili, skorað fjögur mörk í átta leikjum.
Athugasemdir