Gundogan, sem er 24 ára gamall miðjumaður, er samningsbundinn Dortmund til ársins 2016 en hann mun ekki framlengja samning sinn.

Dortmund ætlar sér að selja leikmanninn í sumar til þess að reyna að fá einhvern pening fyrir hann en það er Sky sem greinir frá því í kvöld að hann sé á leið til Manchester United.

Hann hefur undanfarin ár verið stórkostlegur með Dortmund en hann meiddist illa fyrir HM sem fór fram í Brasilíu og missti þar með af mótinu.

Leikmaðurinn var orðaður við stærstu félög Evrópu, þar á meðal Man Utd og Real Madrid en svo virðist sem hann sé á leið til United.

Talið er að Man Utd og Dortmund gangi frá kaupverði og samningum í næstu viku en ljóst er að þetta verður mikill hvalreki fyrir enska liðið takist honum að finna sitt gamla form.