10) Davinson Sanchez (Tottenham) - Yngsti miðvörðurinn sem leikið hefur 20 deildarleiki eða meira á tímabilinu. Var ekki lengi að finna sig með Tottenham.

9) James Tarkowski (Burnley) - Átti aðeins fjóra byrjunarliðsleiki í ensku úrvalsdeildinni fyrir þetta tímabil. Hefur komið á óvart með geggjaðri frammistöðu.

8) Nacho Monreal (Arsenal) - Stökk inn í miðvörðinn og þar var hann mjög áreiðanlegur. Líður betur í vinstri bakverði en frammistaðan í miðverðinum verið aðdáunarverð.

7) Lewis Dunk (Brighton) - Hefur ekki misst út mínútu. Þessi 26 ára enski varnarmaður hlýtur að vera kominn undir smásjá stærri félaga.

6) Jamaal Lascelles (Newcastle) - Fyrirliðinn er mjög mikilvægur fyrir Newcastle og úrslitin þegar hann hefur verið fjarverandi verið döpur!

5) Ben Mee (Burnley) - Verið gríðarlega öflugur í hjarta varnarinnar hjá Burnley.

4) Cesar Azpilicueta (Chelsea) - Ekki besta tímabil hans hjá Chelsea en samt sem áður skorar hann hátt á listanum.

3) Harry Maguire (Leicester City) - Heldur áfram að sýna hversu hrikalega góður varnarmaður hann er. Hefur átt frábært tímabil.

2) Nicolas Otamendi (Manchester City) - Hefur fengið gagnrýni fyrir að gera of mörg dýrkeypt mistök en á þessu tímabili hefur hann verið verulega góður. Var valinn í lið tímabilsins.

1) Jan Vertonghen (Tottenham) - Hefur nákvæmlega allt sem góður miðvörður þarf að hafa. Hefur reynst Tottenham gríðarlega traustur.