„Við lögðum upp með að fá þrjú stig og mér fannst við vera nokkuð klókir fram eftir leik," sagði Ágúst Gylfason, þjálfari Fjölnis, eftir 1-1 jafntefli gegn Val í Pepsi-deild karla í dag.
Fjölnir komst yfir þegar korter var búið af leiknum, en Valsmenn náðu að jafna úr vítaspyrnu seint í leiknum.
Fjölnir komst yfir þegar korter var búið af leiknum, en Valsmenn náðu að jafna úr vítaspyrnu seint í leiknum.
Lestu um leikinn: Fjölnir 1 - 1 Valur
„Auðvitað er þetta frekar fúlt, en við tökum eitthvað jákvætt með þessu," sagði hann enn fremur.
Gústi var ekki sáttur með vítaspyrnudóminn.
„Miðað við hvernig leikurinn var búinn að vera, þá hefði aldrei verið dæmt á þetta, en hugsanlega var þetta hrinding og víti. En línan í leiknum gaf það ekki til kynna að þetta myndi vera víti."
„Við viljum samt sem áður ekkert liggja á því, leikurinn er búinn og 1-1 er niðurstaðan. Það er ákveðin áskorun á okkur núna, við erum neðarlega í deildinni, við fengum eitt stig í dag og við ætlum að halda áfram og taka þessa áskorun með sóma."
Hann segist ekki vera farinn að hugsa um félagsskiptagluggann.
„Við erum ekki komnir á það stig ennþá, við erum með flottan hóp og þetta er góð blanda."
Viðtalið má sjá í spilaranum að ofan.
Athugasemdir