Manchester United tekur á móti Brighton á morgun. Nýliðarnir eru í efri hluta deildarinnar, með 16 stig eftir 12 umferðir. Rauðu djöflarnir eru í öðru sæti, átta stigum eftir Manchester City.

Tottenham tekur á móti West Brom sem er búið að tapa fjórum í röð og botnlið Crystal Palace fær Stoke í heimsókn.

Stórleikur helgarinnar er á morgun þegar Liverpool tekur á móti Chelsea. Heimamenn eru komnir með þrjá deildarsigra í röð og gestirnir fjóra.

Gylfi Þór Sigurðsson verður líklega í byrjunarliði Everton gegn Southampton á sunnudaginn. Gylfi var hvíldur í niðurlægjandi 5-1 tapi gegn Atalanta á Goodison Park í gær.

Jóhann Berg Guðmundsson og félagar í Burnley taka á móti Arsenal og að lokum á Huddersfield, sem lagði Man Utd að velli fyrir rúmum mánuði, heimaleik við topplið Man City.

Föstudagur:
20:00 West Ham - Leicester (Stöð 2 Sport)

Laugardagur:
15:00 Crystal Palace - Stoke
15:00 Man Utd - Brighton (Stöð 2 Sport)
15:00 Newcastle - Watford
15:00 Swansea - Bournemouth
15:00 Tottenham - West Brom
17:30 Liverpool - Chelsea (Stöð 2 Sport)

Sunnudagur:
13:30 Southampton - Everton (Stöð 2 Sport)
14:00 Burnley - Arsenal
16:00 Huddersfield - Man City (Stöð 2 Sport)