Gylfi Þór Sigurðsson fékk rauða spjaldið í leik Swansea og Blackburn í enska bikarnum í gær og er því á leið í þriggja leikja bann.
Gylfi fékk leyfi hjá Swansea til að fara til Íslands í stutt frí og uppi varð fótur og fit þegar hann mætti að horfa á Njarðvíkurmótið í 6. flokki í Reykjaneshöllinni í dag.
Gylfi fékk leyfi hjá Swansea til að fara til Íslands í stutt frí og uppi varð fótur og fit þegar hann mætti að horfa á Njarðvíkurmótið í 6. flokki í Reykjaneshöllinni í dag.
Gylfi mætti að fylgjast með ungum frænda sínum á mótinu en ungu fótboltastrákarnir voru fljótir að hópast að honum. Gylfi sinnti beiðnum eiginhandaráritanir og myndatökur glaður í bragði og ljóst er að margir ungir strákar í 6. flokki fara ánægðir að sofa í kvöld eftir að hafa hitt landsliðsmanninn knáa.
,,Þetta sýnir bara hversu mikill öðlingur þessi maður er," sagði Gunnar Birgisson þjálfari hjá 6.flokki Aftureldingar við Fótbolta.net í kvöld.
,,Hann gaf sér tíma til að spjalla við ótrúlegan fjölda af strákum um allt mögulegt og áritaði og gaf grænt ljós á myndatökur hægri vinstri."
,,Get allavega sagt að mínir menn töluðu um þetta í allan dag og munu sennilega halda því áfram eitthvað fram í næstu viku."
Athugasemdir