Ari sem er varnamaður og Axel sem er miðjumaður koma báðir í gegnum unglingastarf félagsins. Strákarnir sem eru báðir á sautjánda aldursári eru lykilmenn í 2. flokki félagsins og hafa fengið smjörþefinn af meistaraflokki í vetur.

Axel Andri er sonur Önnu Bjargar Björnsdóttur sem lék í framlínu kvennaliðs félagsins í fjölda ára þar til hún lagði skóna á hilluna síðasta haust.

Þeir félagar spiluðu sinn fyrsta meistaraflokksleik í lok janúar þegar þeir komu inná sem varamenn í Reykjavíkurmótinu í leik gegn Fram og Ari fór með meistaraflokkshópnum í æfingaferð til Tyrklands á dögunum.

„Knattspyrnudeild Fylkis lýsir yfir mikill ánægju með þessi tíðindi og væntir mikils af þessum efnilegu drengjum í framtíðinni," segir í tilkynningu félagsins.