Þýskalandsmeistarar Bayern Munchen tóku stórt skref í átt að titilvörninni þegar liðið fékk Hertha Berlin í heimsókn á Allianz Arena í dag.

Bayern marði sigur en Bastian Schweinsteiger gerði eina mark leiksins tíu mínútum fyrir leikslok.

Bayern er því komið með 15 stiga forskot á toppi deildarinnar og er komið með níu fingur á titilinn en ef Wolfsburg ætlar að ná Bayern þarf liðið að vinna alla sína leiki og treysta á að Bayern tapi öllum sínum.