Alvaro Medran.
Spænski miðjumaðurinn Alvaro Medran brast í grát í viðtali eftir leik Alaves og Las Palmas á sunnudagskvöld vegna þess að hann er ósáttur með lítinn spiltíma hjá Alaves.
Medran, sem er í láni hjá Alaves frá Valencia, skoraði í þriðja markið í 4-0 sigri sem sendi Las Palmas niður í B-deildina fyrir næsta tímabil. Hann fagnaði markinu ekki mikið.
Medran, sem er í láni hjá Alaves frá Valencia, skoraði í þriðja markið í 4-0 sigri sem sendi Las Palmas niður í B-deildina fyrir næsta tímabil. Hann fagnaði markinu ekki mikið.
Medran hefur spilað 17 leiki fyrir Alaves á þessu tímabili en hefur aðeins byrjað tvo leiki síðan Abelardo tók við liðinu í desember.
Áður en Abelardo tók við hafði hann byrjaði níu leiki undir stjórn Luis Zubeldia og Gianni De Biasi.
Eftir leikinn fór Medran í athyglisvert viðtal þar sem hann náði ekki alveg að stjórna tilfinningunum. Hann sagði: „Þetta hefur verið mjög erfitt fyrir mig síðan í desember, ég er búinn að leggja mikið á mig. Framkoman við mig hefur ekki verið góð."
Viðtalið er hér að neðan en Medran er samningsbundinn Valencia til 2020. Efast er um að hann fari aftur þangað.
Athugasemdir
