Þróttur V. heimsótti Kára í Akraneshöllina í dag en þetta var leikur í þriðju umferð 3. deildarinnar.

Fyrir leikinn var Kári á toppi deildarinnar eftir tvo sigurleiki en Þróttur V. var með þrjú stig.

Markalaust var eftir fyrri hálfleik en þegar 12 mínútur voru liðnar af þeim síðari kom fyrsta mark leiksins. Markið skoraði Andri Björn Sigurðsson og kom hann Þrótti V. yfir.

Kára tókst ekki að jafna leikinn og lokatölur 1-0. Fyrsta tap Kára í sumar staðreynd.

Þróttur V. komst með sigrinum upp að hlið Kára, Einherja og KFG á toppi deildarinnar með sex stig.