Hún átti ekki sinn besta dag, en fyrsta mark leiksins var stórfurðulegt. Harpa Þorsteinsdóttir sendi þá fyrir frá vinstri á Þórdísi Hrönn Sigfúsdóttur sem var dálítið fyrir utan teig. Þórdís átti að því er virtist hættulausan skalla að marki, en Sandra Sigurðardóttir, markvörður Vals og fyrrverandi markvörður Stjörnunnar, misreiknaði sig illilega og boltinn hafnaði í netinu.

Fjórum mínútum síðar var staðan orðin 2-0 þegar Ana Victoria Cate skoraði. Sandra leit ekkert sérstaklega vel út í því marki heldur og svo sannarlega slæmur dagur á skrifstofunni hjá henni.

Harpa Þorsteinsdóttir skoraði svo þriðja og síðasta mark leiksins undir lokin og var það sjötta mark hennar í sumar.

Vísir.is hefur birt myndband af mörkunum úr leiknum og má sjá þau með því að smella hér