„Ég er mjög fúll," sagði Þórður Þórðarson þjálfari ÍA eftir 2-1 tap liðsins gegn FH í botnbaráttuslag í Pepsi-deild kvenna í kvöld.
Eftir umferðina er ÍA áfram á botni deildarinnar með fjögur stig að loknum tíu umferðum.
Eftir umferðina er ÍA áfram á botni deildarinnar með fjögur stig að loknum tíu umferðum.
Lestu um leikinn: FH 2 - 1 ÍA
„Það vantaði að skora mörk. Við gerum dýr einstaklingsmistök í mörkunum sem við fáum á okkur og síðan eigum við að skora fleiri mörk gegn þessu liði," sagði Þórður sem fannst liðið falla full aftarlega eftir að þær jöfnuðu metin eftir klukkutíma leik.
„Það var eins og þær væru sáttar við það að jafna. Þetta var ekki nægilega gott hjá okkur."
Þórður segir að það hafi verið þungt andrúmsloft inn í klefa eftir leik.
„Þær eru mjög svekktar, og það er allt í lagi. Þær eiga vera svekktar eftir að hafa tapað svona leik sem þær eiga að lágmarki að ná jafntefli úr. Og við eigum að vinna þetta."
„Það hefur verið stígandi í síðustu leikjum. Fínn leikur gegn KR og leit ágætlega út hérna framan af, en síðan eru dýr einstaklingsmistök sem kosta okkur leikinn," sagði þjálfari botnsliðs ÍA í Pepsi-deild kvenna.
Viðtalið í heild sinni má sjá í sjónvarpinu hér að ofan.
Athugasemdir