Eins og við greindum frá í gær óskaði Stones eftir því að fá að fara frá félaginu en Martinez segir ekki koma til greina að selja varnarmanninn.

„Stuðningsmenn okkar vita að við erum að reyna að bæta okkur og verða eins góðir og við getum", sagði Martinez eftir leik liðsins gegn Barnsley í kvöld.

„John spilar mikilvægt hlutverk í því og við erum á því að hvort sem er í lífinu eða í fótbolta þá geta peningar ekki keypt allt".

„Þetta snýst um gildi og John er mikilvægur hluti af okkar framtíð. Hann er ekki til sölu", sagði Martinez ákveðinn.