Liverpool sló Bordeaux úr Evrópudeildinni er liðin mættust á Anfield Road fyrr í kvöld.
Sigurinn tryggir Liverpool áfram í 32-liða úrslitin en James Milner og Christian Benteke skoruðu eftir opnunarmark Henri Saivet.
Sigurinn tryggir Liverpool áfram í 32-liða úrslitin en James Milner og Christian Benteke skoruðu eftir opnunarmark Henri Saivet.
„Það eru engar slæmar fréttir í kvöld því við vissum það fyrir leikinn að þetta Bordeaux lið er miklu betra en það hefur sýnt á tímabilinu," sagði Klopp eftir sigurinn.
„Fyrri hálfleikurinn var betri en sá seinni. Við töpuðum boltanum í erfiðum stöðum og gerðum þetta að óþarflega opnum leik."
Gestirnir komust yfir með marki eftir óbeina aukaspyrnu sem var dæmd þegar Simon Mignolet hélt boltanum of lengi í stað þess að sparka honum út. Klopp ætlaði að kvarta undan undarlegum ákvörðunum dómarans en hætti við eftir að fréttamenn sögðu honum hversu lengi Mignolet hafi haldið á boltanum.
„Það voru nokkrar skrítnar ákvarðanir myndi ég segja. Vonandi er það ekki of harkalegt af mér að tala um þær sem skrítnar.
„Hélt hann á boltanum í 20 sekúndur? Ó, allt í lagi. Venjulega er ekki dæmt á svona."
Athugasemdir