Magni heimsótti Nökkva í fyrsta leik 2. umferðar Borgunarbikars karla í kvöld.

Fannar Freyr Gíslason kom Magna yfir á 34. mínútu og fjórum mínútum síðar tvöfaldaði Victor Da Costa forystu Magna.

Costa bætti við öðru marki sínu og þriðja marki Magna á 62. mínútu og fjórða markið kom á 81. mínútu en það skoraði Bergvin Jóhannsson.

Ingvar Már Gíslason minnkaði muninn fyrir Nökkva á 83. mínútu en það var Magni sem skoraði síðasta mark leiksins og var það Bergvin sem bætti við sínu öðru marki.

Lokatölur 5-1 og Magni því komið áfram í 32-liða úrslit Borgunarbikarsins.

Markaskorarar af urslit.net