„Í fyrri hálfleik voru þær meira með boltann en við vörðumst vel og þær fengu eitt færi, ég man ekki eftir fleirum," sagði Orri Þórðarson þjálfari FH eftir 1-0 tap gegn Breiðabliki í fyrstu umferð Pepsi-deildar kvenna í kvöld.
Lestu um leikinn: Breiðablik 1 - 0 FH
„Það vantaði meiri yfirvegun á boltann og að við næðum að byggja betur upp okkar spil. Það var augnabliks einbeitingaleysi strax eftir hlé og þær skora en eftir það fannst mér við betri í leiknum. Mér fannst við betri í seinni hálfleik og við áttum klárlega að fá meira út úr þessum leik," bætti hann við.
„Ég vildi vinna þennan leik því mér fannst við hafa alla burði til þess. En mér fannst frammistaðan mjög góð og þær skildu allt eftir úti á vellinum en því miður fengum við ekkert fyrir það."
Athugasemdir