Ísland leiðir 2-1 gegn Englandi í 16-liða úrslitum EM þegar hálftími er liðinn af leiknum.
Wayne Rooney kom Englendingum yfir með marki úr vítaspyrnu strax á 3.mínútu. Vítaspyrnan var dæmd á Hannes Þór Halldórsson þar sem hann braut klaufalega á Raheem Sterling.
Okkar strákar voru hinsvegar ekki lengi að svara því Ragnar Sigurðsson jafnaði mínútu síðar þegar hann var réttur maður á réttum stað í teignum eftir langt innkast frá fyrirliðanum Aroni Einari Gunnarssyni.
Markahrókurinn Kolbeinn Sigþórsson kom svo Íslandi í 2-1 á 18.mínútu með föstu skoti sem Joe Hart í marki Englendinga réði ekki við. Myndband af markinu má sjá hér fyrir neðan.
ÞETTA ER ÓTRÚLEGT! 2-1 fyrir Íslandi! Kolbeinn Sigþórsson! #EMÍsland https://t.co/HDrKzzXrMy
— Síminn (@siminn) June 27, 2016
Athugasemdir