Marco Fassone, framkvæmdastjóri AC Milan, hefur neitað fréttum þess efnis að Renato Sanches sé að ganga í raðir félagsins. Hann segir að verðmiði Bayern München á leikmanninum sé of hár.
Hinn 19 ára gamli Sanches átti ekki gott fyrsta tímabil hjá Bayern. Hann kom aðeins við sögu í 17 leikjum í þýsku Bundesligunni.
Hinn 19 ára gamli Sanches átti ekki gott fyrsta tímabil hjá Bayern. Hann kom aðeins við sögu í 17 leikjum í þýsku Bundesligunni.
Hann gæti verið á förum, en AC Milan og Manchester United hafa hvað helst verið nefnd í tengslum við Sanches.
Framkvæmdastjóri AC Milan segir að Sanches sé of dýr.
„Í augnablikinu eru engar viðræður," sagði Fassone þegar hann ræddi við Sky Sports á Ítalíu í dag.
„Við höfum rætt nokkrum sinnum við Bayern, en í augnablikinu vilja þeir fá upphæð sem við erum ekki tilbúnir að borga."
„Ef staða þeirra breytist í águst, þá erum við hérna."
Athugasemdir