Ingvar Jónsson varði mark Sandefjord í góðum sigri gegn Fredrikstad í norska boltanum í kvöld.

Sigurinn er afar mikilvægur fyrir Sandefjord og fleytir liðinu í 2. sæti deildarinnar þegar fjórar umferðir eru eftir af tímabilinu.

Efstu tvö liðin fara beint upp í efstu deild í Noregi, en Sandefjord er sem stendur aðeins einu stigi á undan Jerv og fjórum stigum frá toppliði Kristiansund.

Ingvar og félagar eiga næst heimaleik gegn fallbaráttuliðinu Hödd.