Króatar, næstu andstæðingar Íslands í undankeppni HM, töpuðu 3-0 gegn Eistlandi í vináttuleik í kvöld.
Siim Luts kom heimamönnum í Eistlandi yfir strax á fyrstu mínútu og þeir Konstantin Vassiljev og Sergei Zenjov bættu við mörkum í lokin.
Króatar unnu Úkraínu 1-0 í undankeppni HM á föstudag en margir leikmenn úr þeim leik fengu frí í kvöld. Luka Modric, Marko Mandzukic og Ivan Rakitic fóru til að mynda ekki með til Íslands.
Domagoj Vida og Matej Mitrovic voru einu leikmennirnir úr leiknum á föstudag sem byrjuðu einnig í kvöld en þeir Josip Pivaric, Tin Jedvaj og Milan Badelj komu líka inn á sem varamenn í kvöld eftir að hafa byrjað á föstudag.
Ivan Perisic, sem var í banni gegn Úkraínu, byrjaði einnig í kvöld sem og Mateo Kovacic miðjumaður Real Madrid, en hann var a bekknum gegn Úkraínu.
Leikur Íslands og Króatíu er toppslagur í I-riðli en hann fer fram á Laugardalsvelli sunnudagskvöldið 11. júní.
Athugasemdir