Jón Orri leggur skóna á hilluna
Einherij frá Vopnafirði hefur fengið varnarmanninn Snorra Eldjárn Hauksson í sínar raðir frá Dalvík/Reyni.
Snorri Eldjárn hefur verið fastamaður hjá Dalvík/Reyni í 2. deildinni undanfarin ár.
Í fyrra var hann til að mynda fyrirliði hjá Dalvík/Reyni.
Einherji hefur einnig fengið Dilyan Nikolaev Kolev í sínar raðir frá Búlgaríu.
Dilyan er öflugur varnar og miðjumaður en hann spilaði með KF í 2. deildinni í fyrra.
Kristján Bohra er líka kominn til Einherja frá Skallagrími en hann er fæddur árið 1997.
Vopnfirðingar ætla að styrkja leikmannahóp sinn meira fyrir átökin í 3. deildinni í sumar en þeir eru með spænskan leikmann í sigtinu.
Hins vegar hefur varnarmaðurinn Jón Orri Ólafsson lagt skóna á hilluna eftir að hafa verið í algjöru lykilhlutverki hjá Einherja undanfarin ár.
Athugasemdir