Pepsi deild kvenna hélt áfram að rúlla í dag með einum leik sem fór fram á Hásteinsvelli. Þar mættust ÍBV og KR.

Fyrri hálfleikur var heldur bragðdaufur og hvorugu liðinu tókst að skora.

Það tók hinsvegar ekki langan tíma fyrir heimamenna að skora í seinni hálfleik, en aðeins þremur mínútum eftir að dómarinn flautaði aftur til leiks var Cloé Lacasse búin að skora og koma ÍBV yfir.

KR-ingar reyndu eins og þeir gátu að jafna en það tókst ekki og því hirtu ÍBV stigin þrjú, sterkur sigur fyrir Eyjakonur.