Argentínumaðurinn Jorge Sampaoli er tekinn við spænska úrvalsdeildarliðinu Sevilla.
Gengið var frá samningum í gærkvöldi og gerir Sampaoli tveggja ára samning við Andalúsíuliðið sem hefur unnið Evrópudeildina þrjú ár í röð.
Þetta er fyrsta starf Sampaoli í Evrópu en hann hefur getið af sér gott orð í þjálfun í Suður-Ameríku en síðasta starf hans var einmitt landsliðsþjálfarastarf Síle þar sem hann stýrði liðinu til sigurs í Copa America 2015.
Sampaoli tekur við Sevilla af Unai Emery sem sagði starfi sínu lausu eftir tímabilið en hann verður líklega ráðinn til PSG á allra næstu dögum.
Athugasemdir