Fær aldrei undir 7 í einkunn
Þegar flett er upp í einkunnagjöf Fótbolta.net kemur í ljós að Ragnar Sigurðsson, besti leikmaður Íslands á EM, spilar einfaldlega alltaf vel fyrir íslenska landsliðið.
Raggi spilaði hverja einustu mínútu Íslands í undankeppni EM og hefur spilað hverja einustu mínútu í úrslitakeppni.
Raggi spilaði hverja einustu mínútu Íslands í undankeppni EM og hefur spilað hverja einustu mínútu í úrslitakeppni.
Raggi hefur ekki fengið lægri einkunn en 7 frá Fótbolta.net í undankeppni og úrslitakeppni EM eins og sjá má hér að neðan.
Meðfylgjandi er umsögnin úr einkunnagjöfinni eftir hvern leik.
Úrslitakeppnin í Frakkland:
Sigur gegn Englandi
10 - Maður leiksins
Geggjuð frammistaða sem var toppuð með marki. Raggi fær bunka af tilboðum eftir EM.
Sigur gegn Austurríki
9
Eins og margoft hefur komið fram þá hefur Ragnar átt frábært Evrópumót og hann heldur bara uppteknum hætti.
Jafntefli gegn Ungverjalandi
8 - Maður leiksins
Annan leikinn í röð fór Ragnar á kostum. Varðist gríðarlega vel.
Jafntefli gegn Portúgal
9
Suddalega góður leikur hjá Ragnari sem sýndi gæði sín gegn Ronaldo, öðrum af tveimur bestu leikmönnum heims.
Undankeppnin:
Tap fyrir Tyrklandi úti
8
Ragnar var mjög öflugur í þessum leik. Stóð eins og klettur í vörninni allan tímann og Tyrkirnir voru engan veginn að komast framhjá honum.
Jafntefli gegn Lettum heima
7
Besti varnarmaður Íslands í leiknum. Átti mikilvægar tæklingar.
Jafntefli gegn Kasakstan heima
8
Vann ótal skallabolta og duglegur að stoppa sóknir, samvinna hans og Kára sterk sem fyrr.
Sigur gegn Hollandi úti
8
Kári og Raggi voru alveg með þetta í kvöld.
Sigur gegn Tékklandi heima
8
Steig varla feilspor í leiknum, gífurlega öruggur í öllum sínum aðgerðum og er að komast í flokk bestu miðvarða sem Ísland hefur átt.
Sigur gegn Kasakstan úti
8
Miðverðirnir skiluðu gríðarlega öflugri vinnu og Raggi var á tánum allan tímann.
Tap gegn Tékklandi úti
7 - Maður leiksins
Ragnar skoraði sitt fyrsta landsliðsmark og var bestur af varnarmönnum Íslands.
Sigur gegn Hollandi heima
9
Hafði í nægu að snúast með að passa einn sterkasta framherja heims, Robin van Persie. Til að gera langa sögu stutta þá sást sá ágæti maður ekki í leiknum.
Sigur gegn Lettlandi úti
7
Grjótharður. Það hefur oft reynt meira á miðverðina en þeir voru við öllu búnir þegar á þurfti að halda.
Sigur gegn Tyrkjum heima
7
Raggi getur alveg horft á þennan leik aftur í sjónvarpi. Flottur leikur.
Athugasemdir