Warren Joyce, þjálfari U-21 árs liðs Manchester United þykir líklegur sem næsti þjálfari Wigan en félagið leikur í Championship deildinni.
Gary Caldwell var rekinn frá félaginu í síðustu viku eftir slæma byrjun á nýju tímabili þar sem liðið hefur aðeins unnið tvo af fyrstu 14 leikjum sínum en Caldwell kom Wigan upp um deild á síðustu leiktíð.
Joyce er í miklum metum á Old Trafford og hefur hann hjálpað leikmönnum eins og Paul Pogba, Jesse Lingard og Adnan Januzaj á ferlinum.
Hinn 51 árs gamli Joyce þjálfaði áður belgíska félagið Royal Antwerp en hann hefur unnið Englandsmeistaratitil U-21 árs liða tvö ár í röð.
Athugasemdir