„Ég var orðinn mjög smeykur," sagði Bjarni Jóhannsson þjálfari KA við Fótbolta.net eftir 1-0 sigur á Gróttu í 1. deildinni í dag.
Ævar Ingi Jóhannesson skoraði eina markið í rokinu á Seltjarnarnesi en það kom á 82. mínútu leiksins.
„Það var rosalega erfitt að eiga við þennan vind og grasið hérna er í harðari kantinum þannig að boltinn skoppar út og suður. Mér fannst við vera líklegri til að skora mark í fyrri hálfleik á móti vindinum heldur en í síðari hálfleik."
Ævar Ingi Jóhannesson skoraði eina markið í rokinu á Seltjarnarnesi en það kom á 82. mínútu leiksins.
„Það var rosalega erfitt að eiga við þennan vind og grasið hérna er í harðari kantinum þannig að boltinn skoppar út og suður. Mér fannst við vera líklegri til að skora mark í fyrri hálfleik á móti vindinum heldur en í síðari hálfleik."
„Ég hrósa strákunum fyrir mikla þolinmæði. Það fór aldrei neitt í taugarnar á þeim og græðgin í okkur er alltaf fyrir hendi. Mér er létt að hafa unnið við þessar aðstæður."
Eftir jafntefli gegn Fram í fyrstu umferð hafa KA menn unnið síðustu þrjá leiki sína.
„Ég held að þessi byrjun fari í sögubækurnar fyrir norðan. Það hefur verið gríðarleg tregða undanfarin ár og þetta er þrælfínt sem komið er," sagði Bjarni að lokum.
Athugasemdir