Gervinho hefur slegið í gegn hjá Roma síðan hann kom til félagsins frá Arsenal í fyrrasumar.
Þessi 27 ára gamli leikmaður segist hins vegar ekki hafa fengið traust hjá Arsene Wenger stjóra Arsenal.
Þessi 27 ára gamli leikmaður segist hins vegar ekki hafa fengið traust hjá Arsene Wenger stjóra Arsenal.
,,Mér líður eins og nýr leikmaður á Ítalíu. Það er mjög erfitt að hafa trú á sjálfum þér þegar þjálfarinn hefur ekki trú á þér. Það er klárt að Arsenal hafði ekki trú á mér," sagði Gervinho sem verður í eldlínunni með Roma gegn Manchester City í kvöld.
,,Hjá Roma sýndu þjálfararnir og starfsfólkið mér traust frá fyrsta degi og þess vegna hef ég náð að sýna hvað í mér býr."
,,Ég tel ekki að ég þurfi að sanna neitt á Englandi. Kannski hefði Arsenal átt að sýna mér meira traust en það er ekki mitt vandamál. Öll mín einbeting núna fer í að standa sig vel á þessu tímabili með Roma."
Athugasemdir