Heimild: Daily Mail
Bakvörðurinn Baba Rahman er á leið aftur í þýska boltann eftir nokkuð misheppnaða dvöl hjá Chelsea. Hann mun væntanlega fara til Schalke 04 á láni út tímabilið.
Chelsea borgaði Augsburg 20 milljónir punda fyrir Baba fyrir ári síðan, en hann lék aðeins 15 leiki í ensku úrvalsdeildinni á síðasta tímabili.
Chelsea borgaði Augsburg 20 milljónir punda fyrir Baba fyrir ári síðan, en hann lék aðeins 15 leiki í ensku úrvalsdeildinni á síðasta tímabili.
Antonio Conte tók við stjórnartaumunum hjá Chelsea í sumar og hann telur sig ekki hafa not fyrir Baba á komandi tímabili.
Hinn 22 ára gamli Baba vakti áhuga Atletico Madrid og Roma, en hann hélt til Þýskalands í gær þar sem hann mun gangast undir læknisskoðun. Hjá Schalke hittir hann sinn fyrrum þjálfara hjá Augsburg, Markus Weinzierl.
Chelsea ætlar að skoða möguleikann á því að fá Santiago Arias frá PSV sem arftaka Baba, en Arias getur spilað sem bæði hægri og vinstri bakvörður. Njósnarar frá Chelsea fylgdust með honum í síðustu viku og því er ágætist möguleiki á því að hann muni koma og fylla skarð Baba.
Athugasemdir