Ólafur Karl Finsen skoraði tvívegis, þar á meðal sigurmarkið, þegar Stjarnan vann 3-2 sigur gegn KR. KR-ingar eru nánast úr leik í titilbaráttunni en Stjarnan er tveimur stigum á eftir FH-ingum.
Lestu um leikinn: KR 2 - 3 Stjarnan
„Það var gaman og vinna og skemmtilegur leikur fyrir áhorfendur á leiðinlegum sunnudegi. Við byrjuðum eins og við værum að bíða eftir því að fá skell á okkur en svo fórum við í gang," sagði Ólafur Karl eftir leik.
Hann segir að leikurinn gegn Inter hafi frekar gefið mönnum orku en þreytu. Hann fagnaði sigurmarkinu í leiknum innilega.
„Eftir því markið er ljótara, því meira fagnar maður. Þetta var ógeðslega gaman því þá var maður viss um að við værum að taka þetta," sagði Ólafur Karl en viðtalið má sjá í heild sinni í sjónvarpinu hér að ofan.
Athugasemdir
