Michael Laudrup tekur við Mallorca (Staðfest)

Á ferli sínum hefur Laudrup þjálfað Bröndby, Sparak Moskvu og síðan spænska félagið Getafe. Laudrup, sem er 46 ára, tekur við Mallorca af Gregorio Manzano sem hætti í lok tímabilsins.

Manzano náði flottum árangri með Mallorca í fyrra en liðið endaði í fimmta sæti í spænsku deildinni og rétt missti af Meistaradeildarsæti.

Laudrup á þó erfitt verkefni fyrir höndum því Mallorca skuldar 85 milljónir evra og því hefur Daninn enga peninga til leikmannakaupa.

Útlitið gæti þó batnað hjá Mallorca á næstunni því að fjárfestingahópur með fyrrum þjálfarann Llorenc Serra Ferrer fremstan í flokki keypti félagið á dögunum.