Fotbolti.net
03.11.18 - 10:30
Magnús Már Einarsson

Auddi Blö spáir í leiki helgarinnar á Englandi

Auddi í góðum félagsskap.

Auddi í góðum félagsskap.

Canon

Mynd: Fótbolti.net - Magnús Már Einarsson

Jón Þór Hauksson var með fjóra rétta þegar hann spáði í leikina í ensku úrvalsdeildinni um síðustu helgi.

Fjölmiðlamaðurinn góðkunni Auðunn Blöndal spáir í leikina að þessu sinni. Auddi er í stóru hlutverki í Suður-Ameríska Draumnum þessa dagana auk þess sem hann er á sínum stað í útvarpsþættinum FM95BLÖ á FM957.


Bournemouth 1 - 2 Manchester United (12:30 í dag)
Þetta verður erfiður leikur fyrir mína menn. Bournemouth heitir og United alltaf einhvernveginn að taka eitt skref áfram en svo tvö til baka! En mínir menn hafa þetta 1-2. Martial setur allavega eitt og svo mætti Wilson lúðinn þarna setja fyrir hina, er með hann frammi í Fantasy!

Cardiff 0 - 1 Leicester (15:00 í dag)
Þetta er erfiður leikur. Maður styður alltaf fyrirliðann okkar Aron, en væri skrýtið að halda ekki með Leicester í þessum leik eftir hörmungarnar í síðustu viku. Spá 0-1 fyrir Leicester

Everton 2 - 0 Brighton (15:00 í dag)
Þarna þarf Gylfi að taka yfir. Er með hann í Fantasy og hefur verið að gefa kallinn. 2-0 og Gylfi með mark og stoðsendingu!

Newcastle 2 - 1 Watford (15:00 í dag)
Væri sama um þennan leik ef það væri ekki fyrir Sigga Sörens. Maður er farinn að vorkenna honum sem stuðningsmanni Newcastle og vonar því eftir 2-1 sigri hjá þeim þarna. Steindi þykist líka vera Newcastle maður en heldur ennþá að Andy Cole og Alan Shearer séu frammi hjá þeim!

West Ham 1 -1 Burnley (15:00 í dag)
Það er rosaleg 1-1 lykt yfir þessum. Jói leggur upp eitt en West Ham jafnar því miður.

Arsenal 2 - 2 Liverpool (17:30 í dag)
Þarna er staðfest leikur umferðarinnar! Arsenal sjóðheitir og Liverpool náttúrulega taplausir ennþá. Vona að þetta verði flugeldasýnining og fari 2-2. Mane má skora…held að þið vitið af hverju.

Wolves 0 -1 Tottenham (19:45 í kvöld)
Þetta ætti að vera sigur fyrir Hjamma og félaga. Verður ekki létt samt.

Man City 3 - 0 Southampton (15:00 á morgun)
Léttur heimasigur þarna hjá besta liði deildarinnar. 3-0 og Aguero með tvö allavega og sennilega með fyrirliðabandið hjá mér í Fantasy.

Chelsea 2 - 0 Crystal Palace (16:00 á morgun)
Léttur 2-0 heimasigur. Chelsea bara með mun betra lið og búnir að vera heitir.

Huddersfield 1 - 1 Fulham (20:00 á mánudag)
Held að ég sé einmitt að afþýða hakk þegar að þessi leikur er sýndur. Gæti ekki verið meira sama, en skjótum á 1-1.

Fyrri spámenn:
Baldur Sigurðsson (7 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Jón Dagur Þorsteinsson (5 réttir)
Logi Ólafsson (5 réttir)
Jón Þór Hauksson (4 réttir)
Sam Hewson (4 réttir)
Berglind Björg Þorvaldsdóttir (3 réttir)
Auddi vonast eftir marki frá Martial á morgun.

Auddi vonast eftir marki frá Martial á morgun.

Canon

Mynd: Getty Images

Aguero skorar tvö samkvæmt spánni.

Aguero skorar tvö samkvæmt spánni.

Canon

Mynd: Getty Images

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.