Burnley 2 - 0 Huddersfield (14 í dag)
Jóhann okkar Berg mun afgreiða Huddersfield með aðkomu sinni að báðum mörkum

Crystal Palace 1- 1 Wolves (14 í dag)
Úlfarnir hafa farið frábærlega af stað og ég held að sé betri stemning í fáum liðum í deildinni. Crystal Palace munu þó grísa á jafntefli á heimavelli.

Leicester 1 - 2 Everton (14 í dag)
Því miður fyrir Leicester þá er Gylfi kominn í gang. Því miður. Gaman fyrir alla Íslendinga sem halda ekki með Leicester.

Tottenham 3 - 0 Cardiff (14 í dag)
Meðan Aron er ekki til að loka á miðjunni munu Welsku fuglarnir ekki eiga erindi sem erfiði. Tottenham hrekkur í gang eftir erfiða viku í Meistaradeildinni.

Watford 2- 0 Bournemouth (14 í dag)
Virgil Van Dijk og Joe Gomez eru ekki leikmenn Bournemouth og það kann Troy Deeney að meta og skorar allavega eitt mark.

Man Utd 3 - 0 Newcastle (16:30 í dag)
Þetta verður leikurinn þar sem ManU hrekkur í gang.

Fulham 0 - 2 Arsenal (11:00 á morgun)
Ég á bágt með að ímynda mér Fulham eiga eitthvað í Arsenal sem er að spila skemmtilega í haust.

Southampton 1- 3 Chelsea (13:15 á morgun)
Það er ekki nóg fyrir Southampton að vera með Danny Ings því vörnin þeirra mun ekki ráða við Hazard sem er pirrandi góður núna.

Liverpool 2 - 2 Man City (15:30 á morgun)
Ég er ekki ánægður hvernig mínir menn í Liverpool voru í síðasta leik á móti Napoli. Þetta verður markaleikur. Liverpool kemst í 2-0 en missa það niður í jafntefli. Gini Wi skorar enn á ný fyrir liverpool gegn city sem og Firmino. Aguero og Jesús setja svo tvö leiðinlega seint í leiknum.

Fyrri spámenn:
Baldur Sigurðsson (7 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Logi Ólafsson (5 réttir)
Sam Hewson (4 réttir)
Berglind Björg Þorvaldsdóttir (3 réttir)