Fotbolti.net
04.05.24 - 18:47
Brynjar Ingi Erluson

Spánn: Real Madrid meistari eftir tap Barcelona (Staðfest) - Girona í Meistaradeildina

Spánn: Real Madrid meistari eftir tap Barcelona (Staðfest) - Girona í Meistaradeildina
Canon

Mynd: Getty Images

Girona 4 - 2 Barcelona
0-1 Andreas Christensen ('3 )
1-1 Artem Dovbyk ('4 )
1-2 Robert Lewandowski ('45 , víti)
2-2 Portu ('65 )
3-2 Miguel Gutierrez ('67 )
4-2 Portu ('74 )
Real Madrid er spænskur deildarmeistari árið 2024 en þetta varð ljóst eftir að Girona vann 4-2 sigur á Barcelona í dag. Girona mun spila í Meistaradeild Evrópu á næstu leiktíð, í fyrsta sinn í sögu félagsins.

Börsungar þurftu að vinna í dag til þess að halda pressunni á Madrídingum.

Danski varnarmaðurinn Andreas Christensen skoraði glæsilegt mark til að koma Börsungum yfir. Hann fékk boltann á kassann við vítateigslínuna og negldi honum á lofti í vinstra hornið.

Girona svaraði strax í næstu sókn. Artem Dovbyk stangaði boltanum í netið eftir fyrirgjöf frá vinstri. Tuttugasta mark hans á leiktíðinni.

Barcelona komst aftur í forystu rétt áður en flautað var til loka fyrri hálfleiks. Hinn ungi og efnilegi Lamine Yamal var felldur í teignum og var það Robert Lewandowski sem gerði annað mark gestanna.

Allt fór niður á við hjá Barcelona í síðari hálfleiknum. Portu og Miguel Gutierrez skoruðu tvö mörk á tæpum þremur mínútum áður en Portu tryggði sigurinn með fjórða marki Girona á 74. mínútu.

Sigur Girona þýðir það að liðið er komið í Meistaradeild Evrópu í fyrsta sinn í sögu félagsins og ekki bara það því Real Madrid er nú spænskur meistari í 36. sinn en ekkert félag hefur unnið deildina oftar.

Stuðningsmenn Girona eru spenntir fyrir Meistaradeildinni

Stuðningsmenn Girona eru spenntir fyrir Meistaradeildinni

Canon

Mynd: Getty Images

La Liga - karlar

#LiðLmunStig
1Barcelona12+3533
2Real Madrid12+2130
3Atletico Madrid12+1328
4Betis12+526
5Real Sociedad12+122
6Sevilla12-218
7Athletic11+416
8Villarreal12+215
9Deportivo12+115
10Racing Santander12-1314
11Celta12013
12Alaves12-213
13Espanyol12-112
14Vallecano11-612
15Getafe12-1012
16Osasuna12-1112
17Levante12-511
18Elche12-610
19Valencia12-129
20Malaga12-145
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.