Kane, Rashford, Osimhen, Guehi og Alonso eru meðal þeirra sem koma við sögu í slúðrinu
banner
   mið 05. ágúst 2015 10:45
Elvar Geir Magnússon
4,6 mörk að meðaltali þegar Keflavík heimsækir Blika
Úr leik Blika og Keflavíkur 2012.
Úr leik Blika og Keflavíkur 2012.
Mynd: Fótbolti.net - Torfi Jóhannsson
Keflavík sem er límt við botn Pepsi-deildarinnar mætir Breiðabliki í Kópavoginum í kvöld. Ef síðustu tíu viðureignir þessara liða á heimavelli Blika eru skoðaðar mega áhorfendur í kvöld eiga von á markaregni.

Að meðaltali hafa verið skoruð 4,6 mörk í leik þegar Keflavík heimsækir Kópavoginn.

4-4 urðu úrslitin í þessum leik í fyrra en þá náðu Blikar að jafna á dramatískan hátt. Þeir minnkuðu muninn þegar Stefán Gíslason skoraði á 88. mínútu og eftir fimm mínútur í uppbótartíma náði Baldvin Sturluson að jafna. Skoðaðu skýrsluna úr leiknum.

Aðeins einu sinni hafa færri en þrjú mörk verið skoruð í síðustu tíu viðureignum í Kópavogi, það var þegar Alen Sutej skoraði sigurmark Keflavíkur árið 2010.

Keflavík og Breiðablik hafa leikið 53 leiki í efstu deild, þann fyrsta árið 1971. Keflavík hefur unnið 23 leiki og Breiðablik 17 en 13 leikjum hefur lokið með jafntefli.

Sjá nánar á heimasíðu Keflavíkur

Leikir kvöldsins
18:00 ÍBV-Fylkir (Hásteinsvöllur)
19:15 Víkingur R.-ÍA (Víkingsvöllur)
19:15 FH-Valur (Kaplakrikavöllur)
19:15 Leiknir R.-Stjarnan (Leiknisvöllur)
19:15 Fjölnir-KR (Fjölnisvöllur)
19:15 Breiðablik-Keflavík (Kópavogsvöllur)
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner
banner