Færeyski framherjinn Martin Klein Joensen er farinn frá Njarðvík eftir stutta dvöl en þetta kemur fram í tilkynningu frá félaginu.
Þessi mikli markaskorari samdi við Njarðvík í lok október á síðasta ári og gerði þá tveggja ára samning.
Hann hafði gert tvö mörk í þremur leikjum í Lengjubikarnum en hefur nú yfirgefið félagið eftir nokkurra mánaða dvöl.
„Knattspyrnudeild Njarðvíkur og Færeyski framherjinn, Martin Klein Joensen hafa komist að samkomulagi um að slíta samningum sín á milli.
Martin gekk til liðs við Njarðvík í vetur og hefur gert 2 mörk í 3 leikjum í Lengjubikarnum í ár.
Martin stóð sig með prýði innan sem utan vallar.
Knattspyrnudeildin þakkar Martin fyrir sitt framlag til félagsins og óskar honum góðs gengis í sínum næstu verkefnum,“ segir í yfirlýsingu Njarðvíkinga.
Athugasemdir