Heung-min Son hefur kvatt Tottenham en hann er farinn til LAFC í MLS deildinni í Bandaríkjunum eftir tíu ár hjá félaginu. Bandaríska félagið borgar 20 milljónir punda fyrir leikmanninn en hann er dýrasti leikmaður í sögu MLS-deildarinnar.
Son gekk til liðs við Tottenham frá Leverkusen árið 2015. Hann spilaði 454 leiki og skoraði 173 mörk. Hann var gerður að fyrirliða árið 2023.
Son gekk til liðs við Tottenham frá Leverkusen árið 2015. Hann spilaði 454 leiki og skoraði 173 mörk. Hann var gerður að fyrirliða árið 2023.
Hann leiddi liðið til sigurs í Evrópudeildinni þegar liðið lagði Man Utd á síðustu leiktíð. Son sendi stuðningsmönnum liðsins skilaboð á Instagram og Tottenham deildi fallegu myndbandi á X þar sem félagið bað fólk um að vera tilbúið með klútana.
„Hvernig á ég að finna réttu orðin fyrir þetta? Ég veit það ekki, ég hef hugsað um það í marga daga, það er ómögulegt en látum það flakka," skrifaði Son.
„Það er kominn tími til að kveðja Tottenham Hotspur. Heimili mitt síðasata áratuginn. þegar ég kom árið 2015 talaði ég ekki ensku, ég vissi ekkert um London en þið buðuð mig velkominn með opnum örmum, höfðuð trú á mér og stóðuð við bakið á mér í gegnum hæðir og lægðir."
„Frumraunin mín var rosaleg, Puskas verðlaunin voru flott, vinna gullskóinn var heiður en að verða Evrópumeistari í Bilbao. Það er fyrir lífstíð, Við munum deila kvöldinu, þessu augnabliki og þessum titli til æviloka. Til allra stuðningsmanna sem eru að lesa þetta vil ég segja: Takk fyrir ykkar ást, stuðning og og traustið sem þið hefið borið til mín síðasta áratuginn. Til allra hjá félaginu, formaðurinn, stjórarnir og allir sem voru með mér á hverjum degi á æfingum, í mötuneytinu, ferðalögum, leikjum, sársaukanum, batanum og sigrunum, takk."
Tissues at the ready ????
— Tottenham Hotspur (@SpursOfficial) August 6, 2025
A final goodbye message from Sonny... pic.twitter.com/w1w39GVMML
Athugasemdir
