Leikið er í öllum deildum í íslensku deildarkeppninni fyrir utan Pepsi Max-deild karla, þar sem það er landsleikjafrí.

Heil umferð fer fram í Pepsi Max-deild kvenna um helgina og hefst hún í kvöld í Kórnum þegar HK/Víkingur fær Breiðablik í heimsókn í Kópavogsslag. Heimakonur eru í botnsæti deildarinnar á meðan Breiðablik er í 2. sæti deildarinnar, tveimur stigum frá toppliði Vals. Umferðin klárast á sunnudag með fjórum leikjum.

Þróttur R. mætir Framl í leik kvöldsins í Inkasso-deild karla. Bæði lið sigla lygnan sjó um miðja deild en Þróttarar töpuðu stórt, 6-0, gegn Fjölni í síðustu umferð og vilja eflaust ná betri úrslitum í kvöld. 20. umferð Inkasso klárast á sunnudag.

KV mætir KH í lykilleik í 3. deild karla í kvöld. KV þarf á sigri að halda til að halda í veika von um að komast upp í 2. deild og KH er í botnbaráttu og getur skilið sig lengra frá Augnablik með sigri.

Þá fer fram toppslagur í Inkasso-deild kvenna þegar Þróttur R. tekur á móti FH. Þróttarar leiða deildina með fjögurra stiga forskoti og geta tryggt sér deildartitilinn með sigri í kvöld. Það vona Tindastóll og Haukar að Þróttarar geri til þess að eiga veika von á því að ná FH sem er í 2. sætinu. Þá er mikil barátta um að lenda ekki í 9.- og næstneðsta sæti deildarinnar en fjögur lið eru í einum hnappi í neðrihluta deildarinnar.

Á laugardag fara svo fram fyrri leikir í úrslitakeppni 4. deildar karla og nánar verður hitað upp fyrir þá þegar nær dregur leikjunum. Alla leiki helgarinnar og stöðuna í deildunum má sjá hér að neðan.