Marko Arnautovic til Inter á láni (Staðfest)

,,Inter Milan hefur fengið austurríska framherjann Marko Arnautovic á láni frá hollenska félaginu Twente Enschede,\" sagði í yfirlýsingu á heimasíðu Inter í dag.

Inter vildi í fyrstu kaupa þennan tvítuga leikmann en ákvað að hætta við það þar sem að félagið hefur áhyggjur af meiðslum hjá leikmanninum.

Því ákvað Inter að fá Arnautovic á láni en félagið á síðan möguleika á að kaupa hann síðar meir.