Klaas-Jan Huntelaar til AC Milan (Staðfest)

Þessi 25 ára gamli Hollendingur stóðst læknisskoðun í dag og skrifaði í kjölfarið undir fjögurra ára samnign við AC Milan.

Huntelaar kom til Real Madrid frá Ajax í janúar en honum gekk illa að festa sig í sessi á Spáni.

Eftir komu Kaka, Cristiano Ronaldo og Karim Benzema var ljóst að Huntelaar væri á förum og hann hefur verið orðaður við nokkur félög að undanförnu.

Stuttgart reyndi meðal annars að krækja í Huntelaar en að lokum var það AC Milan sem krækti í kappann.