Postecoglou: Vil ekki spila fallegan fótbolta, ég vil vinna

Ekkert lið hefur tapað niður forystu oftar en Tottenham á tímabilinu. Ange Postecoglou stjóri liðsins er þreyttur á því að fá hrós fyrir að spila góðan fótbolta.

„Okkur vantaði sannfæringu í skotunum. Þetta hefur ekkert með þreytu að gera. Fólk segir að við séum að spila góðan fótbolta en við erum ekki að sannfæra neinn miðað við hvernig við spilum, fólk segir að við séum að spila vel en ég vil það ekki, ég vil vinna," sagði Postecoglou.

„Við erum bara á byrjuninni í því sem við erum að reyna að gera og það er það eina sem gefur mér eldsneyti."