David Raya hefur fengið mikla gagnrýni fyrir frammistöðu sína í ótrúlegum sigri Arsenal gegn Luton á þriðjudaginn.
Elija Adebayo jafnaði metin í 2-2 eftir að hafa unnið Raya í baráttunni um boltann eftir fyrirgjöf og Ross Barkley kom Luton í 3-2 með skoti sem fór undir Raya.
Alan Shearer gagnrýndi Raya fyrir frammistöðu sína í leiknum.
„Það er þessi þráhyggja að vera með markmann sem er góður á boltann þessa dagana og grundvallaratriðin að verja skot og grípa fyrirgjafir gleymast. Raya leit aldrei út fyrir að líða vel í fyrirgjöfum. Þetta eru slæm mistök frá markmanninum," sagði Shearer.
Arsenal tókst hins vegar að komast til baka en það var Delcan Rice sem skoraði sigur markið á lokasekúndum leiksins.
