Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
banner
   lau 09. mars 2013 14:56
Ívan Guðjón Baldursson
Lengjubikarinn: Fram lagði Breiðablik
Hólmbert innsiglaði sigur Fram.
Hólmbert innsiglaði sigur Fram.
Mynd: Fótbolti.net - Hrafnhildur Heiða Gunnlaugsdóttir
Fram 2 - 0 Breiðablik
1-0 Kristinn Ingi Halldórsson ('75)
2-0 Hólmbert Aron Friðjónsson ('94)

Framarar voru rétt í þessu að leggja Blika af velli í Úlfarsárdal og er þetta fyrsti sigur Fram í Lengjubikarnum eftir tap gegn KA og jafntefli við Völsung.

Blikar eru sem fyrr á toppnum eftir örugga sigra á Val og KA í fyrstu tveimur umferðunum.

Leikurinn fór fram í talsverðu roki og Blikar höfðu vindinn í bakið í fyrri hálfleik. Ekkert var skorað í fyrri hálfleiknum en Kristinn Ingi Halldórsson skoraði þegar korter var til leiksloka.

Í viðbótartíma tókst varamanninum Hólmberti Aroni Friðjónssyni að innsigla sigurinn á lokasekúndum uppbótartímans þegar hann slapp einnig í gegn.

Nokkrum mínútum áður hafði Guðjón Pétur Lýðsson náð að skora fyrir Breiðablik en markið var dæmt af vegna rangstöðu.
Athugasemdir
banner
banner
banner
banner