Bjarni Viðarsson til Mechelen (Staðfest)

Bjarni lék með KSV Roeselare á síðustu leiktíð en liðið féll úr belgísku úrvalsdeildinni.

Hann mun því halda áfram að leika í úrvalsdeildinni þar í landi.

„Ég er bara mjög ánægður með samninginn. Það er vel staðið hjá öllu liðinu, aðstaðan er góð hjá því og ég hlakka bara til að takast á við þetta nýja verkefni. Ég finn fyrir því að það er mikill hugur í forráðamönnum félagsins. Það er búið að styrkja liðið töluvert ég er fimmti leikmaðurinn sem það kaupir í sumar,\" sagði Bjarni við Mbl.is.

Annar Íslendingur æfði með Mechelen síðasta vetur en það var Þórarinn Ingi Valdimarsson leikmaður ÍBV en honum var ekki boðinn samningur.