10.10.11 - 10:17
Hafliði Breiðfjörð
Guðlaugur Baldursson ráðinn aðstoðarþjálfari FH (Staðfest)
Guðlaugur Baldursson verður aðstoðarþjálfari FH.
Mynd: Fótbolti.net - Eva Björk Ægisdóttir
Guðlaugur Baldursson verður aðstoðarþjálfari FH.
Mynd: Fótbolti.net - Eva Björk Ægisdóttir
Guðlaugur Baldursson hefur verið ráðinn aðstoðarþjálfari FH en frá þessu var greint á vef stuðningsmanna félagsins, FHingar.net, í dag. Hann tekur við starfinu af Jörundi Áka Sveinssyni sem tilkynnt var um fyrir helgi að væri hættur.
Guðlaugur hafði hætt þjálfun ÍR á dögunum eftir fjögur ár með liðið. Hann hafði verið eftirsóttur og samkvæmt heimildum Fótbolta.net ræddi hann við nokkur félög, þar á meðal Fylki en valdi á endanum að fara til FH.
Hjá FH hefur hann unnið samhliða starfinu hjá ÍR undanfarin ár með akademíu á morgnana. Hann mun auk þess að verða aðstoðarþjálfari FH vinna náið með Ingvari Jónssyni þjálfara 2. flokks karla.
Guðlaugur hóf þjálfaraferil sinn í yngri flokkum og þjálfaði til dæmis lið 2. flokks FH árið 2003 sem vann alla leiki sína á tímabilinu. Hann tók við þjálfun ÍBV árið 2006 en hætti síðar sama tímabil. Hann tók svo við liði ÍR árið 2008 og á fyrsta ári vann liðið Reykjavíkurmótið, B-deild Lengjubikarsins og 2. deild karla. Liðið var í fallbaráttu 1. deildar í sumar.
Hjá FH hefur hann unnið samhliða starfinu hjá ÍR undanfarin ár með akademíu á morgnana. Hann mun auk þess að verða aðstoðarþjálfari FH vinna náið með Ingvari Jónssyni þjálfara 2. flokks karla.
Guðlaugur hóf þjálfaraferil sinn í yngri flokkum og þjálfaði til dæmis lið 2. flokks FH árið 2003 sem vann alla leiki sína á tímabilinu. Hann tók við þjálfun ÍBV árið 2006 en hætti síðar sama tímabil. Hann tók svo við liði ÍR árið 2008 og á fyrsta ári vann liðið Reykjavíkurmótið, B-deild Lengjubikarsins og 2. deild karla. Liðið var í fallbaráttu 1. deildar í sumar.
Heimild: FHingar.net
