Valorie O\'Brien til Selfoss (Staðfest)

O\'Brien, sem er 22 ára gömul er miðjumaður að upplagi og var að klára nám við háskólann í Suður-Flórida en hún hefur spilað með skólanum síðustu fjögur ár og verið fyrirliði þess að auki.

Sunnlenska.is greindi frá þessu í gær og sagði jafnframt frá því að Valorie hafi fengið tilboð frá félögum í bæði Frakklandi og Þýskalandi en hafi ákveðið að velja að spila í Pepsi-deildinni með Selfyssingum í sumar.

Hún kemur til félagsins í mars, en vefurinn greinir einnig frá því að fleira sé í vændum hjá kvennaliðinu og má búast við því að liðið næli í fleiri leikmenn fyrir tímabilið.