Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 12. júní 2021 14:07
Sæbjörn Þór Þórbergsson Steinke
Andri Geir spáir í áttundu umferð Pepsi Max
Mynd: Fótbolti.net - Hafliði Breiðfjörð
Ásgeir setur þrennu
Ásgeir setur þrennu
Mynd: Fótbolti.net - Hafliði Breiðfjörð
Matthías Orri Sigurðarson spáði í leiki sjöundu umferðar. Hann er með tvo leiki rétta af þeim fjórum umferðum sem lokið er. Þeirri umferð lýkur einhvern tímann rétt fyrir vetrarfrí grunskólanna.

Andri Geir Gunnarsson, annar af Steve Dagskrá, spáir í leiki áttundu umferðar ásamt seinni leikjum miðvikudagskvöldsins.

Breiðablik 4 - 1 Fylkir (Í gangi)
Því miður fyrir Fylki þá verður þetta leikurinn þar sem Blikar spila sinn besta bolta það sem af er sumri. Óskar Hrafn mætir skælbrosandi í viðtal eftir leik með húfuna vel neðarlega.

Víkingur R 1 - 1 FH (Í dag klukkan 17:00)
Þetta verður leikur bannaður innan sextán. Rauð spjöld og alls konar munnsöfnuður. Arnar Gunnlaugs verður samt glaður um leið og flautað er af og verður sáttur með stigið. Hansen heldur áfram að skora og óvæntur Jónatan Ingi skorar mark FH.

Stjarnan 0 - 2 Valur (Í dag klukkan 17:00)
Valsarar halda uppteknum hætti og vinna þægilegan sigur. Pedersen skorar snemma og Haukur Páll klárar svo dæmið eftir þrjár varnarsinnaðar skiptingar Valsmanna.

Leiknir R 1 - 2 KR (Mánudag klukkan 19:15)
KR er að fara á run og vinna í fyrsta skipti tvo leiki í röð í sumar. Sævar Inzaghi setur fyrsta markið. Ægir Jarl jafnar leikinn og KHF setur svo sigurmarkið eftir darraðadans í teig Leiknismanna

Keflavík 0 - 2 HK (Miðvikudag klukkan 18:00)
HK sækja þrjú stig á hörkunni í bragðdaufum leik. Jón Arnar Barðdal og Ljubicic með mörkin.

ÍA 0 - 3 KA (Miðvikudag klukkan 18:00)
Jói Kalli verður gólandi í 90 mínútur og stjórnar leiknum af hliðarlínunni. Því miður skilar það þeim litlu því Ásgeir Sigurgeirs skorar þrennu í þessum leik.

FH 2 - 0 Stjarnan (Miðvikudag klukkan 20:15)
Lánleysi Stjörnumanna heldur áfram. Steven Lennon vaknar af værum blundi og skorar fyrsta mark leiksins. Svo er komið að Guðmanni að stanga einn inn eftir hornspyrnu.

Valur 3 - 4 Breiðablik (Miðvikudag klukkan 20:15)
Þetta verður thriller. Blikar keyra upp tempoið á meðan Valsarar gera sitt besta til að drepa það niður. Valsarar þurfa líka að fara að tapa leik. Er ekki klár á öllum markaskorurunum en Árni Vill setur að minnsta kosti eitt.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner